മാഞ്ചസ്റ്റർ യുണൈറ്റഡ് vs. ലിവർപൂൾ
130 വർഷങ്ങളുടെ പഴക്കമുണ്ട് Northwest derby എന്നറിയപ്പെടുന്ന മാഞ്ചസ്റ്റർ യുണൈറ്റഡ് vs. ലിവർപൂൾ മത്സരങ്ങൾക്ക്‌.
1894 ലെ ആദ്യ കണ്ടുമുട്ടലിന് ശേഷം ഇന്നുവരെ 214 മത്സരങ്ങൾ. 83 തവണ യുണൈറ്റഡും 71 തവണ ലിവർപൂളും വിജയം നേടിയപ്പോൾ 60 മത്സരങ്ങൾ സമനിലയിൽ അവസാനിച്ചു.
215 ആം അങ്കത്തിന് ഇന്ന് ഓൾഡ് ട്രാഫർഡിൽ കളമൊരുങ്ങുമ്പോൾ ഇരു ടീമുകളും വിജയപ്രതീക്ഷയിലാണ്. ഹോം ഗ്രൗണ്ടിൽ ചിരവൈരികളുമായുള്ള മത്സരം യുണൈറ്റഡിനെ സംബന്ധിച്ച് അഭിമാനപ്രശ്നമാണ്, അതുപോലെ അർനെ സ്ലോട്ടിന് കീഴിലെ പുതിയ സിസ്റ്റം പരിചയപ്പെട്ടുവരുന്ന ലിവർപൂളിനും ഈ മത്സരം പ്രധാനപ്പെട്ടതാണ്.
മത്സരഫലം എന്തുതന്നെയായാലും ഇംഗ്ലീഷ് പ്രീമിയർ ലീഗിലെ രണ്ട് പ്രമുഖ ടീമുകൾ തമ്മിൽ മാറ്റുരയ്ക്കുന്ന ഒന്നര മണിക്കൂർ നേരം ഫുട്ബോൾ പ്രേമികളെ ആവേശംകൊള്ളിക്കുമെന്നത് ഉറപ്പാണ്.
മത്സരസമയം: 04:00 p.m. BST (08:30 p.m. IST)
യുവകലാസാഹിതി സ്പോർട്സ് കമ്മിറ്റി
